دورة التطريز بالحاشية موضوع اليوم سهل و النتيجة بإذن الله راح تلقى استحسانكم
نبدأ الموضوع مع الرشمة الموالية
بعد ما ننقل الرشمة على القماش ، نبدأ مع le pt de tige و نخدم كيما راهو باين في الصورة ، هاذ المرة استخدمَت الخيوط الحريرية في العمل- ممكن نستعمل coton perlé مش مشكل ، طبعا لكم الحرية المطلقة في اختيار ما يناسبكم من ألوان
بعد ما ننتهي من غرزة الغصن نبدأ العمل على الشيء الجديد لي رايحين نشوفوه اليوم و هي الوردة بغرزة العنكبوت la rose au point d'araignèe
هاذي رسمة تخطيطية لعمل الوردة
إذا باش نخدموا هاذ الوردة اول حاجة نعملوها نرسموا دوائر بالقطر اللي يناسبنا بالنسبة للدرس نتاعنا الدوائر حوالي 1.5 - 2 سم في قطرها
و نقسم الدائرة إلى خمس اجزاء بواسطة الخيط نتاع الحرير او perlè المهم يكون بنفس أو يقارب لون الشريط اللي رايحين نخدموا بيه الوردة هاذ الغرزات تلتقي في مركز الدائرة
نشوفو مع الصور كيف نعمل غرزة العنكبوت اللي هي رايحة تكون بمثابة الأساس نتاع الوردة اللي رانا حابين نعملوها
و نتحصل على هذا الشكل اللي يسموه الغرزة العنكبوتية و الي عليه رايحة نخدم الوردة
و هكذاك نخدموا في كل الدوائر اللي راهي مرسومة عندنا
نبدأ الان العمل بالحاشية
لكن قبل أن أبد أ: لما يكون الشريط اعرض من ثقب الإبرة نقطعوه بهاذ الشكل باش يجينا ساهل كي ندخلوه في الإبرة
نبدأ الان في العمل ، ندخلوا الإبرة قرييييبة بزاااف من المركز نتاع الدائرة
ثم نلوي الشريط على نفسه عدة مرات راح يكون كيما راهو باين في الصورة
ثم لاحظوا كيف خليت الخيط الأول و ديت الثاني و نخلي الثالث و ندي الرابع و هكذا نقعد غير ندور بالشريط حتى تمتليء كل المساحة نتاع الدائرة و تتغطى شبكة العنكبوت اللي كنا عملناها كاساس أو قاعدة للوردة
لما تكتمل الوردة ندخلوا الشريط في القماش نعقدوه ، نقطعوه ثم نحرقوه باش ما ينسلش
و نكمل العمل مع كل الدوائر فتكون النتيجة
بقى لنا نخدموا الأوراق و النقط الصغيرة المتناثرة
بالنسبة للأوراق نستعمل شريط 0.5 سم و نخدموا اوراق صغيرة ب غرزة le pt de ruban japonais
و النقط الصغيرة المتناثرة رايحة تكون بشريط 3 مم بغرزة pt de noeud
و رايحين نتحصلوا في النهاية على هذا
إرسال تعليق