#بوقالات مكتوبة من 1 الى 12 بوقالات حسب شهر ميلادك:
سم الله بديت وعلى النبي صليت ..وليكم هدا لكلام. نويت..
#بوقالات من 1 الى 12
#جانفي
فالك يقول… نتي وردة في يد مولاها.. ياريت من كانت مكتوبوا وداها.. غرسها فقلبوا ويدا عطشت بدموا سقاها.. ومرتوا وحبيبتوا سماها.
2.#فيفري
فالك يقول.. لي تحبيه وتخمي فيه .عجبك وماقدرتي تسمحي فيه.. كي ليوم انشاء الله يكتب المكتوب وغير نتي لي تديه
3.#مارس
لك يقول.. اصبري وماتقوليش لحبيب نساني.. وماتقوليش راح وخلاني.. قولي هداك سيد رجال ومايتهنا حتى يصيب روحوا. داني..
4 .#افريل
فالك يقول.. ماتخميش فالي راح وخلاك.. و وعدك. بالزواج وماداك. صلي وادعي و وكي ليوم ماتدري لحبيب هدا منين جاك..
5.#ماي
دا فيك. زين خبيه.. ويدا قلبك حنين لراجلك خليه.. ربي يوفقك في حياتك ولحبيب لي نويتيه يكتب المكتوب المياه.
6.#جوان
.فالك يقول.. كاين بزااف لي غاروا منك.. وكاين لي لحقك وظلمك.. ياك كاين ربي هو ياخذ الحق.. وخمي برك فالي يهمك…
7.#جويلية
فالك .. يقول. لحبيب يخمم فيك ..يحبك ويموت عليك.. وقالك نتي مكتوبة ليا وانا مكتوب ليك..
8.#اوت
.فالك يقول… لي قالك نحبك.. وبعد عليك.. اعرفي بلي لوكان جا فال خير ليم يجيب والديه ويجي ليك.. ويديرلك الخاتم في يديك.
9.#سبتمبر
فالك يقول. صفي نيتك وتدي واش بغيتي.. والانسان الغالي لي حبيتي.. ولي في حياتك نويتي..
10 #اكتوبر
فالك ..يازينة والخانة مواتياتك .وفتلة الزين. البسمة عطاتك.. ياريت من شافتك ولوليدها داك
11..#نوفمبر
فالك يقول.. الزين فيك ربي يبارك ...ولي تمينيتها انشاء في اقرب وقت ربي يعطيهالك..
12 ##ديسمبر… فالك يقول .لي راه في بالك ..راه يخدم ويتعب على جالك. هدا كامل باش يكون حلالك
#بوقالات حسب الأشهر :
.
.
#شهر_جانفي : واش يصبرني علي زينك... انتيا وردة عكرية...تسبي لعقول...شحال بكيت على سنيني اللي فاتت بلا بيك...ربي يجمع شملي بيك ....تزهالنا ليام و نفرح بيك
_
#شهر_فيفري : لالة يا لالة بيني وبينك جبال وانتي قلبك قاسح وانا قلبي مذبال وأنتي قلتي نسيتك ونحيتك من البال وأناقلبي أبيض وما زال يبغيك ويخسر عليك المال
_
#شهر_مارس : خرجت ف الليل وعقلها طاير..... رفدت عينيها لنجوم وقلبها حاير..... شافت ف الارض شمعتها ضوات...... رفدت يديها لسماء و دعات.... ربي حققلها ما بغات
_
#شهر_افريل : امشيت درجة بدرجة... والسعد قالو مخبي والمكتوب لي فيه نرجا ... يجي ادا كتب ربي نطلب ربي او نستنى حتى يبان محبوب قلبي
_
#شهر_ماي : قلبي على جمرة و قلب حبيبي على تمرة بعثتلو وردة حمراء و قلتلو الخديعة مرة ..قال لي و الله ما نخدعك حتى يروح نعشي للمقبرة
_
#شهر_جوان : يا لعزيزة الله يرضى عليك .. ديري الحنة في يديك .. و رجليك .. وستناي ربي يفرج عليك .. هذ الصيف يجي يبشرك .. و الغزال يديك .. و تفرحي .. و يفرحو والديك
_
#شهر_جويلية : يا زينة البنات كيفي القنديل في البيوت ...لوكان تقبلي محبتي ارمي عليهابالسكوت و نهديك مهرك جوهر من غير ياقوت و بحر محبة من غير حوت حتى للموت
_
#شهر_أوت : كـان راد المكتـوب نجيـك يـاالعـذرة خيـر منّـك مـا نلقـى يـاالباهيـة غيـر وجـهـك نشـوفـو حـد مادرىكـي نشـوف جمالـك نرتـاح ونبـرا
_
#شهر_سبتمبر : بغيتك زوجة ليا و نتعاشرو حنا لتنين معاك صفات النية يا كاملة الزين نبنيو حياة نقية معطرة بالياسمين غير أنا و انتيا و الذرية الصالحين أنت لي معاك نويت نعدي كل حياتي ليك لي نفتح البيت و نحقق امنياتي
_
#شهر_أكتوبر : واش بيك يا لبنية قلقانة .....الرحمة تنزل من عند ربنا هو لي عطانا ...والمكتوب مكتوب حتى للجبانة..ونبشرك بخبر وبركاك من لفهامة ..و محبوبك غير نتيا لي تديه ولو تنوض لقيامة
_
#شهر_نوفمبر : أنا وانتي نيتنا كي لهلال مشيت معاك هادي مدة شحال شفنا المليح و دوني وكلام الدلال روحي وجدي روحك راني جايب الأهل والعقوبة للي مازال
_
#شهر_ديسمبر : العقل يفكر فيك .. ..والقلب متعلق بيك اتمنيت او حبيت ان دير امعاك البيت وان شاء الله غير انت الي نديك .. و طول حياتي نتهلا فيك
إرسال تعليق